Occitan

Formulari d'inscripcion

A. Lo prèmi Pirene qu’a per objectiu de promòver ua coneishença mei bona de la realitat pirenenca en tots los aspèctes. Tots los reportatges jornalistics (de premsa, de ràdio o de television) qui tractan d’un subjècte ligat aus Pirenèus que pòden concórrer, a condicion que los avossen publicats o difusats enter lo 1èr de julhet de 2009 e lo 30 de junh de 2010.

B. Los reportatges candidats au prèmi que pòden estar redigits en l’ua de las lengas d’usatge deus Pirenèus (catalan, francés, castelhan, basc, aragonés o occitan). Los reportatges en anglés que son tanben acceptats.
Entà facilitar la lectura peus membres de la jurada, los reportatges en euskara qu’an de hornir ua traduccion (en catalan, francés o castelhan).

C. Duas categorias que son definidas en foncion deu supòrt: Premsa escriuta e audiovisuau. Los reportatges qu’an d’estar presentats en 4 exemplars qui deven estar còpias de qualitat excellenta, acompanhats au mensh d’un exemplar de la publicacion originau. Los reportatges de ràdio e de television qu’an d’estar presentats en 5 exemplars enregistrats sus compact-disc o DVD, acompanhats d’un certificat d’emission signat peu/per la director/tritz de l’estacion emetedora. Se s'ageish d'ua seria, l'autor que'n deverà causir sonque un capítol.
Que son acceptats los tribalhs difusats per Internet.

D. Entà poder participar au prèmi, los reportatges candidats que deven estar tornats acompanhats deu formulari d'inscripcion signat, en mentàver las coordonadas de l'autor/a o representants legaus (nom, petit nom, adreça, telefòne o corric de contacte), abans lo 31 de julhet de 2010 a:

BIBLIOTECA PÚBLICA
Edifici Prada Casadet, baixos
AD500 Andorra la Vella
(Principat d'Andorra)

Que cau mentàver que lo reportatge que concor au prèmi Pirene.

E. La dotacion d’aqueth prèmi Pirene es de 6.010 € autrejats peu Govèrn d’Andòrra : 3.005 € per un reportatge de ràdio o de television e 3.005 € per un reportatge de premsa escriuta.

F. La jurada que serà compausada de professionaus deu monde de la comunicacion deus maines de la premsa, de la ràdio e de la television, e tanben de representants deu Govèrn d’Andòrra.

G. La jurada que poderà excepcionaument préner en compte, dab lo consentament prumèr deus lors autors, tribalhs en quina modalitat deu prèmi que sia qui, segon era, serén en l’esperit deu prèmi, quitament se non son pas estats presentats.

H. La jurada que seguirà ua procedura de vòtes successius dinc a l’obtencion d’ua majoritat en favor d’un reportatge determinat. Lo prèmi que pòt non pas estar autrejat. Lo verdicte qu’ei shens apèl.

I. Lo verdicte de la jurada que serà comunicat au mes de noveme de 2010.

J.Cada candidat au prèmi Pirene autoriza la Biblioteca Pública del Govern d'Andorra a publicar e reprodusir los reportatges finalistas e/o premiats peus mejans de comunicacion que sian ràdio, television, etc.
De la medisha faiçon, la Biblioteca Pública del Govern es autorizada a har la promocion de las paginas web deus candidats, e invèrsament, shens que se posqui preténder cobrar nat dret entà la difusion de l'informacion mentavuda.

K. Los reportatges non premiats que poderàn estar retirats auprès de la Biblioteca Pública del Govern un mes après la proclamacion deu prèmi e pendent los tres mes qui seguiràn.

L. Presentar reportatges qui participin au prèmi qu’implica l’acceptacion d’aqueste reglament e de las obligacions que i son ligadas.

Se voletz informacions mei :
tel.: + 376 828750
a/e: bibliopublica@andorra.ad
pagina web: www.pirene.ad

Atau com ac preved la lei 15/2003 deu 18 de deceme sus la proteccion de las dadas a caractèr personau, vos informam que las dadas hornidas son utilizadas sonque entà comunicacions ligadas au concors. Seràn enregistradas dens un fiquèr informatic dont la Biblioteca Pública del Govern n'es titulara e responsabla. Prenerà las mesuras necessàrias entà ne garantir la securitat e la confidencialitat. Dispausatz d'un dret d'accès, de rectificacion, d'oposicion e de supression de las vòstas dadas personaus en enviant un document escrit a l'atencion de la Biblioteca Pública C/Prat de la Creu de. Prada Casadet baixos AD-500 ANDORRA LA VELLA o per corric a l'adreça bibliopublica@andorra.ad.